كود – وكالات //

دخلات النمسا مع بداية الموسم الدراسي الجديد قانون جديد كيمنع التلميذات اللي ما وصلوش لـ14 عام يلبسو الحجاب وسط المدارس العمومية والخاصة،

القانون بدا التطبيق ديالو مع الدخول المدرسي ديال شتنبر 2026، وكيمنع أي غطاء للرأس مرتبط بالتقاليد الإسلامية بالنسبة للتلميذات اللي قل من 14 عام.

الحكومة النمساوية كتقول باللي الهدف هو حماية البنيات من الضغوط العائلية والاجتماعية، ويخليوهم يوصلو لسن يقدرو يختارو فيه بحرية واش يبغيو يلبسو الحجاب ولا لا.

التطبيق ديال القانون ما غاديش يكون مباشرة بالخطية، الأستاذ أو الأستاذة خاصهم فالأول ينبهو التلميذة ويطلبو منها تحيد الحجاب، وإذا رفضات كيدوز الموضوع لمراحل أخرى، مع إمكانية إشراك إدارة التعليم.

وإذا تعاودات المخالفة، يقدرو الوالدين يواجهو خطية بين 150 و800 أورو.

الحكومة كتقول بلي القانون الجديد كيجي لحماية حرية الطفلات من أي ضغط باش يلبسو الحجاب، حيث الأولوية هي حماية الطفلات وحريتهم فالاختيار

أما فـألمانيا، موضوع منع الحجاب على القاصرات مازال غير نقاش سياسي، وما كاين حتى قانون وطني مطبق حاليا لحد الساعة.