وكالات//
علنات السلطات الأمنية ديال النمسا أنها شدات واحد الشاب من أصول عراقية، متهم حتى هو في كون كانت عندو نية المشاركة في هجوم على حفل تايلور سويفت لي تلغى في آخر لحظة.
وقالت السلطات في بيان ليها، أن جهاز الاستخبارات قدر يتوصل لهاد الشاب لي عندو في العمر 18 عام، بعد تحريات دارت عليه ومعلومات دقيقة وصلاتهم.
وقالت إن هاد الشاب كان كيخطط أنه يفركع راسو، ولقات عندو علاقة قوية مع المتهم الأول في هاد القضية والعقل المدبر لي عندو أصول من أرمينيا.
على حساب نفس المصدر، فالهدف ديال هاد الجوج كان هو أنهم يقتلو أكبر عدد ممكن ديال الناس لي كانو غادين يحضرو لهاد الحفل.
