كود الرباط//

النقابة الوطنية للصحافة المغربية، نبهات بلي عدد من المؤسسات الإعلامية مزادوش فالصالير ديال الصحافيين والصحافيات رغم وجود اتفاق موقع عليه بين النقابة والجمعية الوطنية للإعلام والناشرين، باش تكون زيادة بـ1000 درهم ابتداء من هاد شهر فبراير للي فات.

وحسب بلاغ رسمي، قالت النقابة بلي توصلت بتقارير ومعطيات تفيد أن عدد من المؤسسات الإعلامية مبغاتش تطبق الاتفاق وحرمات الصحافيات والصحافيين والعاملين والعاملات من الزيادة المقررة.

النقابة علنات بلي غادي تفرشهم واحد بواحد، حقاش هادو اللي رفضو  يزيدو هوما نفسهم كيرفعو شعارات الدفاع عن الحقوق والحريات والطبقات الشغيلة، ويفضحون الممارسات والانتهاكات التي تطال قوانين الشغل فيما يكتبون وينشرون، وفي نفس الوقت يتنكرون لهاد المبادئ فاش كيتعلق الأمر بالمؤسسات ديالهم والعاملين فيها.

وشددت النقابة بلي الدعم ديال الدولة غايكون مرتبط بمدى التزام المؤسسات الإعلامية بإقرار زيادة فالصالير وصرف 1000 درهم للزميلات والزملاء.