كود سبور//

موحال يبقى يوسف النصيري مع فنربخشة التركي، ومن المنتظر يمشي بحالو مع نهاية هذا الموسم، اللي هو اول موسم له مع التواركا.

وحسب جريدة  التركية، فيوسف النصيري اللي ما بداش مزيان اول موسم له مع فنربخشة، قبل ما يتألق وسط الموسم وماركا بزاف ديال الاهداف من بينها 13 هدف فبطولة تركيا، قرر يمشي بحالو من الفريق التركي، بسبب الضغط اللي تمارس عليه مؤخرا حيث ما كايرماركيش، وما سجل حتى هدف فالماتشات بخمسة اللي فاتو.

نفس المصدر، قال ان يوسف النصيري ما بقاش كايدخل مواقع الأرصاد الاجتماعي وكايتفاعل على ليكونط ديالو فيها، بسبب الضغط اللي عليها من جمهور فنربخشة، وانه غالبا غايمشي بحالو.

وللإشارة فيوسف النصيري كانو جاوه عروض من السعودية فالميركاتو الشتوي الماضي، ولكن مدرب فنربخشة، البرتغالي جوزي مورينيو ما بغاهش يمشي من الفريق، وبالنسبة له لاعب مهم وأساس.