الرئيسية > كود سبور > النجم ديال الرجاء طار لمصر
18/08/2022 20:00 كود سبور

النجم ديال الرجاء طار لمصر

النجم ديال الرجاء طار لمصر

كود سبور//

غيوصل اللاعب السابق ديال فريق الرجاء الرياضي زكرياء الوردي مساء اليوم الخميس لمصر، إستعدادا باش يسني مع الزمالك المصري.

وانتقل زكرياء الوردي مع الوكيل ديالو المغربي لي معروف على الصعيد العربي سواء فمصر أو الخليج، لمصر، حيث غايخضع النجم الرجاوي السابق للفحص الطبي من أجل التوقيع مع الزمالك.

وكان زكرياء الوردي توصل لاتفاق مع الزمالك المصري باش يلعب معه إبتداء من الموسم لي جاي، مع العلم أن اللاعب ديال الوسط السابق فالرجاء كان قريب ينتقل البطولة الفرنسية لكن مشاكل إدارية منعتو من ذلك إلى جانب العرض ديال الفريق المصري لي صعيب يتقاوم.

للإشارة فزكرياء الوردي انتهى العقد ديالو مع الرجاء الرياضي مع نهاية الموسم الماضي، واللاعب فضل يدير تجربة احترافية فالخارج، وكان “كود” كشف فوقت سابق على أن زكرياء الوردي وصل لاتفاق مع الزمالك المصري فالوقت لي كان حديث على أن اللاعب غيمشي للوداد.

موضوعات أخرى

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة