وكالات//

صدمات المغنية والممثلة الميريكانية المشهورة، سلينا غوميز، الملايين ديال لي فان ديالها في العالم بسبب واحد السر خايب بزاف على الصحة ديالها.

وقالت غوميز، في حوار ليها مع مجلة “فانيتي فير” أنها للأسف ماغاديش تقدر تولد الدراري، بسبب مشاكل صحية عندها.

وقالت المغنية المشهورة، أنها عندها بزاف ديال المشاريع المستقبلية، ولكن كاين شي حوايج لي كيقلقوها خاصة لي عندها علاقة مع الصحة ديالها.

وزادت غوميز كتقول: هادي أول مرة كنقول هادشي، ولكن هادي هي الحقيقة أنا ميمكنش ليا نولد بسبب مشاكل صحية.

ودخلات غوميز للقائمة ديال المليارديرات، بعدما وصلات الثروة ديالها لـ1.3 مليار دولار، وللات أصغر وحدة فهاد القائمة حينت عندها غير 32 عام.