وكالات//

روناتها النجمة الميريكانية كيلي رولاند في الطابي روج ديال مهرجان “كان” السينمائي المشهور مع وحدة من السيكوريتي ديال المهرجان.

ونتاشرو بزاف ديال التصاور ديال الممثلة الميريكانية وهي كتزايد في الهضرة مع واحد السيدة خدامة في السيكوريتي ديال المهرجان.

وعلى حساب ماقال الجورنال ديال “دايلي ميل” البريطاني فالأزمة بدات فين عفطات السيدة من السيكوريتي على لاروب لي لابساه كيلي رولاند.

وواخا قالت ليها في الأول “ماشي مشكل” من بعد ماعجباتهاش الطريقة باش هضرات معاها وتزايدات معاها وبدات كتغوت عليها حدا العدسات ديال الكاميرات.