وكالات//
اتهمات النجمة والفنانة الميريكانية المعروفة بولا عبدول، لي عندها أصول سورية وسبق ليها ربحات جائزة الغرامي، (اتهمات) منتج بريطاني معروف فمسابقة أميريكان آيدول بالاعتداء الجنسي عليها جوج المرات.
وكانت عبدول خدمات مع هاد المنتج المعروف، لي سميتو نايجل نيثغوا، ف بزاف المناسبات، من بينها هاد البرنامج نيت لي كانت فلجنة التحكيم ديالو.
كتقول بولا عبدول، لي عندها دابا فالعمر 61 عام، أن نيثغوا تعدا عليها جوج المرات، المرة الأولى مللي كانت فلجنة تحكيم المسابقة والثانية عام 2015.
كتقول الدعوى لي رفعاتها ضدو دابا أنه بدا كيقيص مناطق حساسة فالجسد ديالها، وباسها بزز منها فسانسور فين مشاو يديرو الاختبارات فشي مدينة ميريكانية.
وقالت عبدول أنها سكتات حتى لدابا حيت خافت لايدمر ليها الكاريير ديالها كون فضحاتو ديك الساعة.
