وكالات//

الممثلة الميريكانية جينيفر أنيستون، اللي معروفة بالدور ديالها “رايتشل غرين” فالسيتكوم الشهير “فريندز”، مزال كتحاول تحافظ على ستايل حياة صحي، وكتشدّد بزاف على الماكلة المتوازنة.

أنيستون، اللي عندها دابا 56 عام، كتفضل تاكل السلطات بزاف، خصوصاً ملي كتكون مسافرة ولا بين جلسات التصوير. لكن السلطات ديالها عندهم مكوّن مميز كيزيدهم فالفائدة، اللي هو الكينوا، اللي معروفة كمكوّن أساسي فالنظام الغذائي المتوسطي.

الكينوا معروفة بلي فيها بروتين نباتي كامل، يعني فيها التسعة ديال الأحماض الأمينية اللي الجسم كيحتاجهم. زيادة على هاد الشي، ما فيهاش الغلوتين، وغنية بالألياف، والفيتامينات، والمعادن، وهاد الشي كيخليها اختيار زوين للناس اللي متبعين نظام نباتي أو باغين ينقصو من الوزن.

البروتين اللي فالكينوا كيعاون باش يتحكم الواحد فالشّهية وما يبقاش ياكل بزّاف ديال السناكات، وهاد الشي حسب تقارير ديال “ديلي ريكورد”. أما الألياف، فـ100 غرام ديال الكينوا المطبوخة فيها حوالي 2.8 غرام، وهاد الشي كيساعد فالهضم وصحة المصران، وكيساهم فتّحكم فالوزن.

وسلطة الكينوا اللي كتوجدها جينيفر أنيستون كاتجي بهاد المكونات:

كينوا مطبوخة، حمص، بيسطاش، نعناع فريش، معدنوس، وصوص بسيطة ديال خلّ الحامض.