وكالات//

اكتاشفو علماء من جامعة فلوريدا وكلية سنتر فكنتكي أن أغلب الهجمات ديال التماسيح كيتسبب فيها سلوك الناس الخاطئ، وهادشي جابتو جريدة “ديلي ميل” البريطانية.

الدراسة الجديدة، اللي تنشرت فمجلة كتهم العلاقة بين الإنسان والحيوانات البرّية، بينات أن 96% من المواجهات اللي كيوقع فيها العضّ مع التماسيح، كيكون السبب ديالها هو أن الناس دارو تصرفات كيستفزو بيها التماسيح.

مارك تيشيرا، اللي هو أستاذ فكلية سنتر والباحث الرئيسي فالدراسة، قال بأن هاد النتائج كتهدم الفكرة اللي كتعطي التماسيح طابع عدواني بطبيعتهم.

وزادت الدراسة أكدت أن بزاف من هاد الحالات ما خصناش نسميوها “هجمات”، حيث فعلاً السبب فيها هو البشر، بحال الناس اللي كيعومو أو كيدورو بجناب البحيرات ومعاهم حيوانات صغيرة، فبلايص كيعيشو فيها التماسيح.