وكالات//

غالبًا مكايظنو الناس بلي الزيادة فالوزن مرتبطة بالحزن والتعاسة، وكيظنو أن الناس كيحسو بالضيق بزاف بسببها، وهاد الشي كيأثر على صحتهم النفسية.

ولكن، دراسة جديدة خرجات فمجلة “الدراسات النفسية الإيجابية التطبيقية”، قالت بللي الزيادة فالوزن ممكن ما تأثرش بزاف فالرّضا على الحياة، وعلاش لا، فبعض الحالات الزيادة فالوزن كتكون سبب فزيادة السعادة.

الدراسة اللي داروها باحثين على 8815 شخص بالغ من ألمانيا بين 2011 و2021، جات باش يفهموا العلاقة بين مؤشر كتلة الجسم ومستوى الرضا عن الحياة.

على حساب ما جا في الدراسة، الرجال اللي كان مؤشر كتلة الجسم ديالهم زاد من 22 (اللي كيعتبر فالنطاق الطبيعي) لـ30 (اللي كيعتبر فالسمنة)، كانوا كيزيدوا شوية فمستوى السعادة ديالهم. ولكن بالنسبة للنساء، ما تبدلاتش السعادة ديالهم حتى مع زيادة الوزن.

في هاد السياق، دكتور بيتمان، المؤلف ديال الدراسة، قال بلي الضغط النفسي القليل المرتبط بالزيادة فالوزن ممكن يساهم فقلةّ الدافع باش الناس يخسروا وزنهم.

وحتى لو كانت الأسباب متنوعة، هاد الدراسة كتعتبر خطوة مهمة باش نعاودوا نفهموا العلاقة بين الوزن والسعادة، ونعيدوا تقييم الأفكار التقليدية اللي كترتبط الزيادة فالوزن بالمعاناة النفسية والحزن.