كود- كازا//
يواصل سعيد الناصيري الرئيس الأسبق للوداد الرياضي والقيادي السابق بحزب الأصالة والمعاصرة، مطالبة المحكمة بمواجهة الشهود اللي شاهدين ضدو فقضية ما يعرف بـ “إسكوبار الصحرا” واللي متابع فيها فحالة اعتقال.
وخلال جلسة اليوم الجمعة بغرفة الجنايات الإبتدائية لدى محكمة الاستئناف بالدرالبيضاء وبالضبط بالقاعة 8، جدد سعيد الناصيري المطالبة ديالو لهيئة المحكمة باش يجيبو له الأشخاص اللي مصرحين ضدو عند الفرقة الوطنية ومن بينهم الحاج احمد بنبراهيم الملقب بالمالي والمغنية لطيفة رأفت والبرلماني عبد الواحد شوقي وآخرين، وقال: “كانطلب بإلحاح استدعاء هاد الناس باش نواجههم”.
وكمل سعيد الناصيري باستماتة وإلحاح، وقال: راه كل مرة كانبقى نواجه ادعاءات ديال أشخاص عطاو تصريحات كاذبة”.
وتفاعل رئيس المحكمة مع طلب سعيد الناصيري، وقال له فالبلاصة: “غانجاوبوك على الطلب ديالك فالوقت المناسب”.
