كود سبور//

أكد سعيد الناصيري رئيس نادي الوداد الرياضي الاحترام ديالو للغريم الرجاء الرياضي، والعقد اللي كايربط الأخير باللاعب حمزة خابا.

ونفى سعيد الناصيري فتصريح له خلال الحفل ديال تقديم الطاقم الجديد ديال الوداد واللاعبين الجداد ديال الفريق، الدخول ديالو فمفاوضات من أجل التوقيع مع حمزة خابا.

وقال سعيد الناصيري بصريح العبارة: “فالعلم ديالي أن حمزة خابا هو لاعب ديال فريق الرجاء الرياضي، فكيفاش غنتواصل أنا مع لاعب مرتبط بعقد بنادي آخر”.

وكايجي التصريح ديال سعيد الناصيري باش يأكد أن الوداد لن يفاوض حمزة خابا مادام اللاعب عندو عقد مع الغريم ديالو الرجاء الرياضي، تأكيدا منو على احترامو لجميع مكونات كرة القدم المغربية سواء لاعبين أو أندية ومن ضمنهم الرجاء.