الرئيسية > كود سبور > الناصيري بدا التغيير فالوداد: رمزي رجع المترجي مشارك فالتداريب وها أجواء آخر حصة تدريبية قبل ماتش وجدة‎
05/12/2023 20:34 كود سبور

الناصيري بدا التغيير فالوداد: رمزي رجع المترجي مشارك فالتداريب وها أجواء آخر حصة تدريبية قبل ماتش وجدة‎

الناصيري بدا التغيير فالوداد: رمزي رجع المترجي مشارك فالتداريب وها أجواء آخر حصة تدريبية قبل ماتش وجدة‎

كود سبور//

دخلو الوداد الرياضي الكونسونطراسيون استعدادا لمواجهة فريق مولودية وجدة، فالماتش اللي غيجمع الفريقين يوم غد الأربعاء ضمن مؤجل الجولة 8 من البطولة الاحترافية، والأجواء والخلافات بدات كتحيد خاص غير النتائج المزيانة ترجع.

وكيفما كشف موقع “كود” فوقت سابق، فرجع المهاجم زهير المترجي اليوم الثلاثاء لتداريب الوداد الرياضي، بعد تدخل رئيس النادي سعيد الناصيري ما بينو بين المدرب عادل رمزي باش يصفي الخواطر بين الطرفين.

الحصة التدريبية ديال الوداد الأخيرة قبل ماتش مولودية وجدة بادية فتيران بنجلون فهاد اللحظات من مساء الثلاثاء، وكتعرف مشاركة زهير المترجي فتداريب الكروب، تحت إشراف المدرب عادل رمزي، والحصة كتدوز فأجواء حماسية وبدات الأجواء السلبية كتحيد من المجموعة، واللاعبين ناشطين ومركزين، مع العلم أن الطاقم التقني ديال الواك تدارو فيه تغييرات بتعليمات من سعيد الناصيري في انتظار تعيين مساعدين جداد لعادل رمزي.

وغيمشيو الوداد الرياضي مباشرة ملي يساليو الحصة التدريبية لواحد لوطيل وسط كازا باش يكملو الكنسونطراسيون ديالهم على ماتش مولودية وجدة، ويتعشاو ويباتو حتى لغدا ويمشيو يلعبو الماتش فالمحمدية.

موضوعات أخرى

04/03/2024 20:04

إحالة رئيس جماعة “سيدي داود” وجوج من نوابه على قاضي التحقيق بسبب اختلاس وتبديد فلوس عمومية والارتشاء: ها شنو تقرر فحقهم

04/03/2024 20:00

مجلس حقوق الإنسان فجنيف.. نظام العسكر كرّس للعالم حقدو على المغرب وكلمة سفيرو أغلبها على الصحرا ومغالطات على حقوق الإنسان

04/03/2024 19:00

المغرب راه جنة ضريبية بالنسبة للمقاولين والشركات وصحاب المهن الحرة وجحيم ضريبي بالنسبة للموظفين ولي كتقطع ليهم الضريبة من المصدر.. أغلب فلوس المغاربة كاينة خارج البنوك وكيتداولوها المواطنين بيناتهم خارج الاقتصاد نوعا ما

04/03/2024 18:10

275  ألف درهم ساهمو بها الرجاويين فشراء التذاكر الافتراضية وتعطات كلها اللاعبين باش يتحفزو

04/03/2024 18:00

البرلماني السابق الفايق داز اليوم عند قاضي التحقيق مع خوه بتهم الاحتجاز والضرب والجرح والتهديد