الرئيسية > ميديا وثقافة > الناشر الشهير رياض الريس قتلاتو كورونا 
27/09/2020 08:00 ميديا وثقافة

الناشر الشهير رياض الريس قتلاتو كورونا 

الناشر الشهير رياض الريس قتلاتو كورونا 

عن الوكالات ///

توفي رياض نجيب الريس٬ البارح الناشر والصحافي السوري الجنسية اللي دوز حياتو فلبنان. الراحل٬ 83 عام تصاب بكورونا وتلقى العلاج فصبيطار بيروتي وقاوم ولكن فالاخير استسلمكتاب ومؤلفين عرب نعاو هاد الناشر الاستثنائي. صديقو المؤرخ فواز الطرابلسي كتب باللي خسر خوه ورفيق عمرو واعتابرو “احد آخر كبار الصحافة العربية المكتوبة”

الريس كان ناشر استثنائي. بدا حياتو المهنية فالصحافة. دوز مراسل فبلايص الصداع. كان فالڤيثنام 1966 وكان كيخدم مع “الحياة” و”النهار” وغطى الانقلاب العسكري اليوناني العسكري 1967 واحداث قبرص 1974. 

وغطى الحرب بين الجمهوريين والملكيين فاليمن وخدم فبراگ 1968 وباش ناضت الحرب فلبنان 1975 مشى من بيروت للندن. 

هنا ولى ناشر خرج اسبوعية بالانجليزية “ارابيا انذ ذا غولف” ثم “المنار ومن بعد خدم مع “المستقبل” وف1986 اسس فالعاصمة البريطانية دار رياض الريس للكتب والنشر وفالتسعينات نقل الشركة للبنان

الف كتوبا كثار منها و”صحافي ومدينتان” و”قبل أن تبهت الألوان صحافة ثلث قرن” و”مصاحف وسيوف” و”رياح الشمال” و”صراع الواحات والنفط: هموم الخليج العربي” و”تلفترة الحرجة” و”أرض التنين الصغير: رحلة إلى فيتنام” و”موت الآخرين”(شعر).

موضوعات أخرى

26/10/2020 22:49

اش وقع فهاد العالم. علماء السعودية اكثر انفتاحا وتسامحا من دياولنا. علماءهم: الاساءة الى مقامات الانبياء والرسل لن يضرهم والاسلام امر بالاعراض عن الجاهلين وعلماء المغرب: نرفض ونستنكر المس بالمقدسات

26/10/2020 21:30

حصيلة كورونا فالأقاليم والجهات اليوم: 26 واحد مات فكازا سطات و358 براو فسوس.. وغير 3 جهات اللي علنو على المستجدات الوبائية

26/10/2020 20:30

علاش فاس مابقاتش كتسجل إصابات كثيرة بـ”كورونا” وواش بصّح مابقاوش كيديرو التحاليل.. المديرية الجهوية للصحة لـ”كود”: ها كيفاش خدامين وطوقنا الوباء فوقت قياسي

26/10/2020 20:00

لبنى أبيضار قصفات المتخلفين وصحاب “تفكير القطيع”: بغيتو تقاطعو منتوجات فرنسا قاطعو الأدوية.. ونتوما كاتجرحو حتى شي واحد كيقيس مقدساتكم واخا نتوما النهار وماطال كتعيبو فمقدسات الناس وهانية – فيديو