وكالات//

سدات السلطات التركية ريسطو فولاية كوجايلي من بعد ما تسمموا مئات الناس من شاورما الدجاج.

وسبق وقالت بعض التقارير الإعلامية المحلية اليوم الجمعة، أن 648 شخص تعرضو لتسمم غذائي من بعد ما كلّو من المطعم، وبدأو كيشكيو من ألم فالكرش، قيء، إسهال، وحرارة مرتفعة، وهادشي خلاهم يضطرو يديّوهم للمستشفى.

وأكدت المصادر أن جوج ديال الناس في حالة خطيرة، وكياخدو العلاج المكثف.

من بعد الحادث، تدخلت السلطات وسدات المطعم اللي كان السبب، وبدات تحقيقات باش يعرفو منين جا التلوث الغذائي واش من بكتيريا ولا مواد سامة.

داو عينات ديال الأطعمة للمختبرات باش يديرو الفحوصات اللازمة.