الرئيسية > آراء > الناس كتكبر ولادها بأنهم أفراد أحرار معند تاواحد الحق يضربهم أو يعنفهم، وحنا كنكبروهم على أساس هانية حتى الى ضربك شي واحد راه بحال باك واخا راه فالفيديو ديال امين الراضي مكيبانش البوليسي ضربو وغير قولبو أمين
20/05/2019 13:00 آراء

الناس كتكبر ولادها بأنهم أفراد أحرار معند تاواحد الحق يضربهم أو يعنفهم، وحنا كنكبروهم على أساس هانية حتى الى ضربك شي واحد راه بحال باك واخا راه فالفيديو ديال امين الراضي مكيبانش البوليسي ضربو وغير قولبو أمين

الناس كتكبر ولادها بأنهم أفراد أحرار معند تاواحد الحق يضربهم أو يعنفهم، وحنا كنكبروهم على أساس هانية حتى الى ضربك شي واحد راه بحال باك واخا راه فالفيديو ديال امين الراضي مكيبانش البوليسي ضربو وغير قولبو أمين

محمد سقراط-كود///

لي مقود فالفيديو ديال أمين الراضي ماشي تدخل البوليسي باش يحيد ليه التيليفون، وإنما فا شجا عندو البوليسي لاخر مول لعقل وقاليه راه بحال باك، هاد الهدرة أصلا هي لي رسخات العنف فالمجتمع ديالنا، بحال باك كتعني أن باك أصلا عندو الحق يخلي دار بوك فوقاش مابغا ونتا معندكش الحق تحقد عليه أو تكرهو حيت باك، أما تدافع على راسك داك الساعة غادي تولي مسخوط الواليدين، بنادم كبر منك يغوت عليك كيقولوليك ديرو بحال خوك لكبير، برهوش ضصر عليك عتابرو بحال خوك صغير، درية كيتكرفص عليها واحد كتقوليه ديرني بحال ختك، مرة كبيرة باغا تفوت الصف متقدرش تهدر معاها حيت خاص تديرها بحال مك، واش أصلا أسرتك عندهم عليك هاد الحقوق كاملة باش عاد يشيط شوية يمارسوه عليك الآخرين تشبها بهم، الناس كتكبر ولادها بأنهم أفراد أحرار معند تاواحد الحق يضربهم أو يعنفهم، وحنا كنكبروهم على أساس هانية حتى الى ضربك شي واحد راه بحال باك.

غير هو الصراحة التقال فالفيديو ديال الكوميدي أمين الراضي راه مابانش البوليسي نهائيا كيضرب الدري أو كيمارس عليه العنف، لي ظهر هو أن الدري معربط ومكشكش وكالس يصور فالبوليسي لي مابغاش يتصور وطار عليه يحيد ليه التيليفون، الدري طاح فالأرض وناض فالبلاصة ضاحك ناشط والبوليسي قلب ستة تسعود وتدخل واحد آخر وقاليه ديرو بحال باك، غير هو فالبلاصة تم نصب المشانق الفايسبوكية وبداو كيطالبو بالإنتقام من البوليسي وبنادم خرج العقدة ديالو ضد البوليس لي كيظل يطالب بتوفريهم ومكرهش يدير جوج فجنابو ملي يكون خارج، البصري مات وشبع موت وبنادم باقي معشش ليه البصري فدماغو.

الصراحة مخليت مادرت ومخليت فين مشيت عمري تعرضت للحكرة من طرف شي بوليسي، نهار كندير شي مخالفة كنخلصها وكنتربى ومكنبقاش نعاود، علما أنني دوزت فترة من حياتي خارج القانون ومع ذلك ديما كنهدر مع المخزن أو البشر أو الحيوان بإحترام كيجاوبوني بإحترام، وأي مخلوق فهاد الأرض غادي تقلل من الإحترام ديالو غادي يعاملك بحال باك ويوطى ليك على راسك الى قدر، لي واضح فهاد الحادثة هو أن الدري كان داير شي مخالفة ومابغاش تقيدليه ودا وجاب مع البوليسي، لي مكانش خاصو يدير داك التصرف عليها قولبو صاحبنا لي عندو عرام ديال الفيديوات فإنستغرام ديالو كيصوك طوموبيلتو بلا سمطة وكيدور فكازا ومجمع فتيليفون مع المتتبعين ديالو، وطبعا التحقيق هو لي غادي يقول لينا آش كاين، غير هو داك البوليس الحكار بشكل مجاني راه كاين غير فدماغ المقاميع.

موضوعات أخرى