وكالات//

علنات وزارة الداخلية العراقية على أنه غادي يكون ممنوع الإفطار العلني فالشوارع خلال شهر رمضان، سواء لولاد البلاد أو الأجانب اللي فالعراق، وحتى غير المسلمين.

وقالت الوزارة فبيان لها: “ممنوع نهائياً الناس اللي غادي يفطروا قدام الناس نهار رمضان حيث هادشي كيأثر على مشاعر الصائمين وكيتنافى مع أجواء الشهر الكريم، حتى لو كانوا غير المسلمين”.

وأضاف البيان اللي دخل حيز التنفيذ من أول يوم في رمضان أن المنع كيشمل حتى تقديم المشروبات الكحولية بجميع أنواعها، وكيتم غلق المحلات اللي كاتبيعها.

ومن جهة أخرى، الوزارة قالت بأنه غادي يتسدو جميع المطاعم، المقاهي، ، والنوادي فالوقت ديال الصيام، باستثناء الأماكن اللي عندها ترخيص من الجهات المختصة. ومن بعد وقت الإفطار، يمكن ليهم يعاودو يخدمو حتى للفجر.