وكالات//

الرجوع ديال رائدي الفضاء الأمريكيين، اللي كانوا واحلين أكثر من تسعة أشهر في المحطة الفضائية الدولية، كمل فصل فضائي وسياسي تابعوه الناس كاملين حول العالم.

من بعد رحلة طويلة دامت 17 ساعة، هبطت مركبة الفضاء “سبيس إكس” بسلاسة قبالة سواحل فلوريدا، وكانت هازة الرائدة سوني وليامز وزميلها بوتش ويلمور، ومعاهم نيك هايغ والروسي ألكسندر غوربونوف.

من بعد الهبوط ديال المركبة، استقبلوهم مجموعة ديال الدلافين، وقال هايغ فرحان: “واو، يا لها من مغامرة”.

وحسب وكالة “فرانس برس”، تم انتشال مركبة “كرو دراغون” بعناية، وخرجوا الركاب منها على نقالات، ومن بعد دارو ليهم فحوصات طبية أولية قبل ما يتم نقلهم لهيوستن باش يتلقاو مع عائلاتهم.

وكان من المفروض تدوم المهمة ديالهم 8 أيام، ولكنهم بقوا في الفضاء بسبب تعطل مركبة “ستارلاينر” التابعة لشركة “بوينغ”، وهذا الشي خلا وكالة ناسا ترسل مركبة “سبايس إكس” باش ترجعهم.