وكالات//

دخل الرعب لقلوب سكان واحد القرية فولاية أوديشا الهندية، نهار الاثنين، منين هجم عليهم تمساح وخدا مراة كتبلغ من العمر 55 عام للنهر “خاراسروتا”.

ووفقًا للي جا فـ جريدة “إنديا توداي”، السيدة اللي سميتها ساوداميني مهالا كانت مشات للنهر باش تغسل الحوايج، وفهاد اللحظة هجم عليها التمساح.

فيديو انتاشر فمواقع التواصل كيبان فيه التمساح وهو كيسحب المراة وسط مجرى النهر، والقرويين كيبكيو ويغوتو من فوق واحد الجسر قريب، ولكن ماقدروش يوصلو ليها فالوقت.

الشهود قالو باللي التمساح هجم عليها فجأة، وخلّى الناس مصدومين. وحتى مع المحاولات ديال السكان اللي جراو بسرعة باش يعاونوها، ماقدروش ينقذوها من بين يدين التمساح.

هاد الواقعة المأساوية خلات الناس عايشين فالرعب، خصوصاً أنها ماشي أول مرة كايوقع بحال هكا، حيت قبل شي شهور وقع نفس الشي فـ نفس البلاصة، ودا تمساح معزة.