كود – infobae//

دراسة جديدة كتقول باللي موضوع سيكس والخصوبة فالفضاء ما بقاش خيال علمي، ولكن ولى مشكل حقيقي مع تطور الرحلات الفضائية التجارية وطول مدة المهمات، العلماء كينبّهو أن الإشعاع الكوني وانعدام الجاذبية والضغط النفسي والجسدي، كاملين كيأثرو على الصحة الإنجابية ديال الإنسان، وهاد التأثيرات مازال ما مفهوماش مزيان علمياً، خصوصاً فالمهمات الطويلة فالفضاء.

الباحثون كيوضحو أن الجهاز التناسلي خصوصاً عند العيالات، معرض لمخاطر كبيرة، بحال اضطراب تكوين البويضات، ومشاكل فالنمو الجنيني، وحتى خلل فالتقسيم الخلوي، حتى بالنسبة للرجال كاين دلائل على تأثر الحمض النووي ديال الحيوانات المنوية بالإشعاع، بمعنى آخر الخصوبة فبيئة الفضاء ممكن تكون مهددة بشكل خطير.

العلماء كيقولو باللي ما كايناش قوانين دولية واضحة كتأطر هاد المجال، خصوصاً مع دخول السياحة الفضائية وناس عاديين للفضاء، ماشي غير رواد فضاء محترفين، وهاد الفراغ القانوني والأخلاقي يقدر يخلق مشاكل كبيرة إلا وقعات حالات حمل غير متوقعة أو مضاعفات صحية خطيرة.