الرئيسية > آش واقع > الناس اللي مكيقدسوش اللغات: بلجيكا بغات تبدل “الكونجيكَيزون”
09/09/2018 09:00 آش واقع

الناس اللي مكيقدسوش اللغات: بلجيكا بغات تبدل “الكونجيكَيزون”

الناس اللي مكيقدسوش اللغات: بلجيكا بغات تبدل “الكونجيكَيزون”

هناء ابو علي – كود//

اعلنت السلطات التعليمية المكلفة بالتعليم الفرنكفوني ف بلجيكا انها بغات تدير تعديلات ف الكونجيكَيزون او الصرف ديال الماضي، participe passé  و هادشي جا بعد نقاش بين اساتذة و اكاديميين على صعوبة هاد القضية  اللي كايعانيو منها التلاميذ و حتى ف المغرب و اللي هي معقدة شوية و مافيها حتى شي قاعدة منطقية، و التغيير حسب ما جاء بعض القصاصات الاخبارية كايستهدف ان التغيير يكون مثلا من جملة Les crêpes que j’ai mangées الى جملة les crêpes que j’ai mangé

اي يتربط الفعل فقط ب  الضمير وماشي بالمفعول به  و هاد الناس دعاو لاصلاح هاد الظاهرة النحوية الفرنسية بعدما ف فرنسا ذاتها كاينين دعوات جادة لتعديل طريقة كتابة بعض الكلمات او مايسمى بالاورتوغراف و اللي هو ايضا مافيه شي منطق حسب الاكاديميين.

ماننساوش ان الفرنسية  كل عام كتغير فيها شي حوايج باش تساير التطور الهائل د الانجليزية و عالم الانتيرنيت الي كل نهار كتبان فيه كلمة جديدة  و هاذ الخبر هو احسن رد  لشي ديناصورات اللي خايفين من البغرير و البريوات  و الناس  كتقدس اللغات  و بغاتها تكون ثابتة و خا هي كتغير و كتطور بزز منهم  حيث الا ما تطورات هزها الماء..

موضوعات أخرى