وكالات//

واحد الفيديو منوض روينة كبيرة فميريكان، نشرو واحد الشخص وهو كيتعدا على الناس لي غادين فالطريق والأماكن العمومية بطريقة مستفزة وهو كيضحك عليهم.

كيبان فهاد الفيديو هاد خونا وهو كيغفل الناس لي كتمشا من اللور وكيطيحهم بالطريقة ديال “الكاو” ديال المصارعة، وهادشي غير باش يضحك هو ولي كيصورو.

لي كعا الناس بزاف هو أنه مكيميزش بين الناس العاديين والناس لي عندهم إعاقة، وبان فالفيديو أن السيد استهدف حتى واحد الراجل عما مكيشوفش وواحد آخر كيمشي على عكاز.

دابا بزاف ديال الناس كيطلبو من السلطات أنهم يشدو هاد خونا ولي كيصورو ويسيفطوهوم للحبس.