كود- عن El mundo///

فواشنطن، وسط التحضيرات د الاحتفال بـ 250 عام على استقلال أمريكا، كيبقاو متفكرين ديما بلي المغرب كان أول دولة اعترفت بالسيادة الأمريكية عام 1777. هاد المعلومة التاريخية خلت العلاقات بين البيت الأبيض والرباط قوية من بكري، سوا مع الجمهوريين أو الديموقراطيين. وهاد البادرة هي اللي استعملها ترامب ف2020 باش يعلن الاعتراف بـ سيادة المغرب على الصحراء الغربية، كرد للجميل ، وفي نفس الوقت لتحقيق مصالحه السياسية، خصوصاً باش المغرب يشارك فـ اتفاقيات أبراهام مع إسرائيل.

بالنسبة لـ بايدن، رغم أنه ما تطرقش بزاف لقضية الصحراء، ما تراحعش على الطريق اللي فرشو ترامب، والملك محمد السادس كمل تعزيز علاقاته مع إسرائيل، حتى انه علن على افتتاح قنصلية في القدس قبل هجمات حماس ف2023. بالرغم من المظاهرات الكبيرة فالعديد من الدول العربية ضد الهجوم الإسرائيلي على غزة والاستياء من موقف المغرب، الملك بانت فيه الحكمة والمرونة، واستغل دعم ترامب فتركيز سيطرة المغرب على الصحراء مقابل التطبيع مع إسرائيل.

من بعد الخروج الإسباني ف1975 المغرب سيطر على تقريبا 80% من الصحراء ، وخا أنها كانت مستعمرة إسبانية كان وقف إطلاق النار ف1991 بين المغرب وجبهة البوليساريو تحت دعم الجزائر و لكن المغرب ومع خطة الحكم الذاتي ف2007، وضح أنه ما غاديش يقبل أي حل بلا الاعتراف بسيادته.

خطوة ترامب ف2020 كانت نقطة تحول، حيث دعمتها عدة دول كبيرة فسنين لاحقة، لي عطى المغرب فرصة باش يعزز سيطرتو وإسبانيا فمارس 2022 دارت انقلاب فسياسة الخارجية وعلنات دعمها للحكم الذاتي وسط المغرب، الشي اللي خلا أوروبا الأخرى تتبع الواقعية السياسية بلا قيود.

الجغرافيا السياسية فالعقد الأخير خدمت مصالح محمد السادس: اضطراب ليبيا، انتشار الجهادية فالساحل، وأهمية تطبيع العلاقات العربية مع إسرائيل كلها لعبت لصالح المغرب. الدبلوماسية المغربية نجحت كذلك فـ تقريب العلاقات مع روسيا والصين لضمان عدم اعتراضهم على القرارات اللي تخدم مصالح الرباط.

محمد السادس وترامب بغوا تسريع العملية، حيث الملك كيبغي يسيطر على الصحراء قبل أي تغيير فخلافة العرش، وترامب مهتم باش يدخل التاريخ ويستفيد من صفقات اقتصادية ضخمة. أمريكا ولات أكبر مستثمر أجنبي فالمغرب، والصحراء غنية بـ الفوسفاط، الحديد، التيتانيوم، اليورانيوم، المحروقات ومناطق الصيد. الملك استفاد من التفاهم مع ترامب ومن إعجابو بالحسن الثاني، وشركات أمريكية ومتعددة الجنسيات خدامة مشاريع كبيرة فالصحراء، المعروفة بـ إلدورادو.

وأخيراً، مع مرور 50 عام على المسيرة الخضراء، محمد السادس قرر ما يدير حتى خطاب، ، واليوم قريب باش المجتمع الدولي يعترف بها، وهادشي كيشكل إنجاز كبير فالعهد ديالو والقضية الوطنية الكبرى، اللي كيجمع دعم المغاربة حتى فالأوقات الصعبة.