وكالات//

الموقع الرسمي ديال العائلة الملكية البريطانية تبيراطا، وبقا شحال وهو مخدامش، ولحدود الساعة معرفوش منين جاتهم الدقة.

الهجوم اللي وقع فصباح نهار الاحد قدرو خبراء ديال تكنولوجيا المعلومات يوقفوه قبل ما يمشي الموقع لي كيدخلو ليه الملايين ديال الناس في العالم كامل باش يشوفو الأخبار ديال العائلة الملكية.

ومصادر قالت لصحيفة «تلغراف» بللي الموقع بقا فيه المشكل ساعة ونص، ولكن ماكانت حتا عملية اختراق للموقع، وحتا المحتوى ديالو مقربوش ليه، ولكن معرفوش شكون لي دار هاد الهجوم الإلكتروني.