الرئيسية > آراء > الموظف الشبح ماشي غير لي كيتخلص ومكيجيش وإنما حتى هاداك لي كيجي ومكيخدمش وكيتخلص، وأصلا بحال جا بحال ماجاش مكيأثر حتى حاجة في إقتصاد البلاد
03/10/2022 19:00 آراء

الموظف الشبح ماشي غير لي كيتخلص ومكيجيش وإنما حتى هاداك لي كيجي ومكيخدمش وكيتخلص، وأصلا بحال جا بحال ماجاش مكيأثر حتى حاجة في إقتصاد البلاد

الموظف الشبح ماشي غير لي كيتخلص ومكيجيش وإنما حتى هاداك لي كيجي ومكيخدمش وكيتخلص، وأصلا بحال جا بحال ماجاش مكيأثر حتى حاجة في إقتصاد البلاد

محمد سقراط-كود///

مؤخرا قالت غيثة مزور الوزيرة المنتدبة المكلفة بالإنتقال الرقمي وإصلاح الإدارة أن مسطرة ترك الوظيفة تحركت في حق أكثر من 4000 موظف شبه كانوا غير كياكلوا في النعمة ومكيحضروش لمقر العمل، هذا خبر زوين ولكن للأسف الإدارة المغربية عامرة لموظفين أشباح واخا كيجيو للخدمة، ولكن راه مكيديرو والو كيتخلصو على الخاوي ومخشيين في خدامي معندها حتى فايدة أو أهمية ومكلفين بمهمات ماكيديروها كاع، سير لأي مقاطعة غادي تلقى على الأقل عشرة دالموظفين مفرقين في مكاتب واحد جوج أو تلاتة فيهم هوما لي خدامين وعليهم الصف، أما لخريين غير مريحين وفي الغالب عيالات هادي مرة فلان هادي بنت فلان ودفع الكروصة، كذلك الأمر في جميع القطاعات ديال الدولة كيف ماكانت.

التعليم لي مهنة صعيبة وضروري تخدم فيها، وهاكاك كانوا عندنا أساتذة لي كيبدلوا جهدهم وكثر بأضعاف مصاعفة وكانوا لي غادين قد قد وكانوا لي ممسوقينش كيجي للقسم كيكتب شي لعبة في الصبورة ومن بعد كيبقى غير يضيع الوقت خصوصا واحد النوع كيزيد السوايع هادوك كيكونوا هازين يديهم من التدريس في القسم المقرر كيقريوه في السوايع، خاصو الخلصة مضوبلة الى بغيتي يقريك تعاون مع الدولة عليه وشوف تشوف، وطبعا راه كانو أساتذة قمة الإنسانية والتضحية والتعامل، ولكن عموما مهن كثيرة في الدولة راه غير فلوس ضايعة هاكاك.

الموظف الشبح ماشي غير لي كيتخلص ومكيجيش وإنما حتى هاداك لي كيجي ومكيخدمش وكيتخلص، وأصلا بحال جا بحال ماجاش مكيأثر حتى حاجة في إقتصاد البلاد من غير كيعطيوه صالير كيصرفو وفي الغالب منتوجات ممصنعاش هنا تمعش معاه الدولة في الضرائب وصافي، هاعلاش الناس كتلقاهم خدامين في القطاع الخاص بصالير مزيان وكيفضلو غير النص ديالو مع الدولة لأن قليل ومداوم حسن من كثير ومقطوع، والخاص الى عطاوك شي درهم كيخرجوها منك بعشرة، أما القطاع العام راه كتشد الصف مع خوتك باش تحلب بزولة الدولة،

موضوعات أخرى

08/12/2022 22:00

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع