الرئيسية > تبركيك > الموضة الجديدة.. الحفير ديال البيار ما مابقاش غير “خير وصدقة”.. رجع رحلة سياحية للمؤثرين ديال مواقع التواصل – تصويرة
26/01/2021 20:00 تبركيك

الموضة الجديدة.. الحفير ديال البيار ما مابقاش غير “خير وصدقة”.. رجع رحلة سياحية للمؤثرين ديال مواقع التواصل – تصويرة

الموضة الجديدة.. الحفير ديال البيار ما مابقاش غير “خير وصدقة”.. رجع رحلة سياحية للمؤثرين ديال مواقع التواصل – تصويرة

نجوى المالحي – كود //

هاد المؤثرين ديال مواقع التواصل، أي حاجة كيميّعوها، وحتى هاد قافلات الإحسان بدات كتخرج على الإطار ديالها، والجمعيات بهاد الطريقة كيعلمو المؤسسات ديال الدولة العگز وفي نفس الوقت كيعلمو الناس ديال المناطق النائية السعاية.

الموضة لّي بانت هاد الأيام ديال حفر الآبار غادية وكتنتشر، والمؤثرين ولاّو كيسافرو للدواوير النائية بحال الا غاديين لشي رحلة سياحية، ها اللبس، ها المصورين الخاصين، وهادشي كامل باش يلوحو تصاورهم في انستكَرام ويجمعو اللايكات والبارطاج بالمأساة ديال عباد الله.

آش هاد الحالة وصلو ليها هاد المؤثرين؟ كلشي كيستغلوه لصالحهم، راه الناس سنين وفي الثقافة المغربية كيحفرو البيار بلا ما يسيق ليهم شي واحد الخبار، وكيديروها في الخفاء كخير في داك الناس، وهاد المصيبات لّي لاحوهم لينا مواقع التواصل الاجتماعي باغيين غير يتعرفو ويتشهرو واخا على ظهر الاخرين.

موضوعات أخرى

03/03/2021 08:00

الفيلسوف الفرنسي سبونفيل: ليس الأبيض مذنبا بالضرورة وليس المسلم ضحية دائما.. و ما يثير القلق في الجامعة هو تحول صراع الطبقات إلى صراع أعراق