كود سبور//

سالا العام بالنسبة للنجم البرازيلي نيمار جونيور، اللي غيغيب على ماتش منتخب البرازيل أمام المنتخب الوطني المغربي نهار 25 مارس الجاري بطنجة.

وحسب باريس سان جيرمان الفرنسي فريق نيمار، الأخير غيحتاج ما بين 3 أشهر حتى 4 أشهر للراحة والعلاج، حيث غيخضع لعملية جراحية بسبب الإصابة اللي تعرض لها قبل أيام.

الطاقم الطبي اللي كيسهر على علاج البرازيلي نيمار، نصحو باش يدير عملية جراحية على رجليه اللي تلوات له وبسبابها كيغيب على ليماتش ديال باريس سان جيرمان منذ اسبوعين، حيث هادشي يقدر ياثر له على اللي باقي له فالمستقبل ديال مسارو فالكرة.

وكيتعتبر نيمار جونيور من أبرز الغائبين على منتخب البرازيل فالماتش أميكال أمام المنتخب الوطني المغربي بمدينة طنجة، مع العلم أن اللاعب مازال مصدوم من بعد نكسة الإقصاء المبكر من كأس العالم 2022، خصوصا وأنه وصل لعمر 30 عام وفرص أنه يتوج بكوب ديموند كيفما ربحوه أساطير البرازيل قلالت بزاف.