عمـر المزيـن – كود الرباط//

ساعات بعد الروكور اللي تحطم البارح لا فعدد الوفيات بكورونا 82 مغربي ولا فعدد الاصابات: 5745 كازا بوحدها 2059. اليوم تعلن على لقاء مرتقب بين الملك محمد السادس وبين رئيس الحكومة ووزيري الداخلية عبد الوافي لفتيت ووزير الصحة خالد ايت الطالب.

هاد اللقاء غادي يدار فالقصر الملكي بالرباط.

اكيد على كورونا. رئيس الحكومة بان غير كيخربق ما فيدو والو. ما عرفتش يدبر هاد الشي. وزير الصحة اضعف وبزاف. فشل فكلشي.

دابا بقى للدولة غير الداخلية باش ما يضاعف عدد الاصابات. الموجة الثانية دكورونا اللي بدات فاوربا وصلاتنا. وزارة الصحة ما دارت والو

اللي بان من كلمات وزير الداخلية البارح فالبرلمان باللي خاص الزيار وبزاف. بيضاوة ما بغاوش يتعاونو مع السلطات كيف اكد. دابا خاص مرحلة اخرى. اوربا دارتها حتى حنا خاصنا نطبقوها