الرئيسية > آش واقع > الموت باقا طالعة وحتى الاصابات.. حصيلة كورونا هاد 24 ساعة: 1021 تصابو و16 ماتو و661 تشافاو.. الطوطال: 27217 مصاب و417 متوفي و19629 متعافي و7171 مازال كيتعالجو من الفيروس
04/08/2020 17:30 آش واقع

الموت باقا طالعة وحتى الاصابات.. حصيلة كورونا هاد 24 ساعة: 1021 تصابو و16 ماتو و661 تشافاو.. الطوطال: 27217 مصاب و417 متوفي و19629 متعافي و7171 مازال كيتعالجو من الفيروس

الموت باقا طالعة وحتى الاصابات.. حصيلة كورونا هاد 24 ساعة: 1021 تصابو و16 ماتو و661 تشافاو.. الطوطال: 27217 مصاب و417 متوفي و19629 متعافي و7171 مازال كيتعالجو من الفيروس

عفراء علوي محمدي- كود//

مازال كيسجل المغرب ارتفاع فعدد الإصابات اليومية بفيروس كورونا المستجد، بحيت تصابو اليوم 1021 واحد، وهكذا وصل إجمالي الإصابات فالمغرب لـ27217.

وقال المسؤول على قسم الطوارئ فوزارة الصحة، معاد المرابط، أن 86 فالمية من الإصابات الجديدة تسجلو فجهات كازا سطات، وفاس مكناس، وطنجة تطوان الحسيمة، ومراكش آسفي، و73 فالمية فأربعة مدن اللي هي: كازا وفاس ومراكش وطنجة.

بالنسبة للتوزيع الجغرافي ديال الحالات اللي تسجلات اليوم فهو كالآتي:

جهة كازا سطات: 422 حالة (394 فكازا، المحمدية 11، النواصر 8، بنسليمان 4، برشيد 3 والجديدة 2).
جهة طنجة تطوان الحسيمة 179 (106 فطنجة، 25 فتطوان، 7 فالفحص الأنجرة، 6 فوازان، 5 فشفشاون، و4 فالمضيق الفنيدق)
جهة فاس مكناس 165 (140 بفاس، 16 مكناس، 7 فالحاجب، و2 فصفرو)
جهة مراكش آسفي 114 ( 101 فمراكش، اليوسفية 10، الصويرة 2 والرحامنة 1)
جهة الرباط سلا القنيطرة: 67 (24 فتمارة، 21 فسلا، 15 فالرباط، 5 فالخميسات، وواحلة واحدة فكل من القنيطرة وسيدي سليمان).
جهة بني ملال خنيفرة 22 (بني ملال 14، 4 فخريبكة، 3 فخنيفرة، وحالة واحدة فالفقي بنصالح)
جهة درعة تافيلالت 15 (13 فورزازات، 3 فتينغير، وحالة واحدة فكل من الراشيدية وزاكورة وميدلت)
الجهة الشرقية 16 (6 فجرادة، 4 فوجدة وكرسيف وحالة واحدة فكل من بركان وتاوريرت)
جهة سوس ماسة 13 (8 فأكادير و4 فإنزكان وحالة واحدة فتيزنيت)
جهة الداخلة واد الذهب 4 (فالداخلة)
بينما ماسجلات جهتي العيون الساقية الحمرا وكَلميم وادنون حتى إصابة اليوم بالفيروس.

والموت باقة مرتفعة فبلادنا، بحيث ماتو اليوم 16 مغربي ومغربية، 3 فكل من كازا ومراكش، و2 فكل من مكناس وفاس وطنجة، بينما الحاجب والحسيمة وتطوان وبنسليمان سجلو وفاة وحدة، ووصل الطوطال لـ417.

بالنسبة لحالات الشفاء، تسجلات 661 حالة، ووصل المجموع لـ19629، بنسبة تعافي ديال 72,1 فالمئة.

والحالات النشيطة بلغ عددها اليوم 7171 حالة، أي بمعدل 20 واحد لكل 100 ألف نسمة، وهو أعلى معدل منذ بداية الوباء، وكتتوزع هاد الحالات على الجهات كالتالي:

جهة طنجة تطوان الحسيمة 2046
جهة كازا سطات: 1822
جهة فاس مكناس 1758
جهة مراكش آسفي 577
جهة الرباط القنيطرة 473
جهة درعة تافيلالت 153
جهة بني ملال خنيفرة 143
الجهة الشرقية 104
جهة الداخلة واد الذهب 43
جهة سوس ماسة 43
جهة العيون الساقية الحمرا 8
جهة كَلميم وادنون 1

ومعدل السن ديال الحالات النشيطة ارتفع لـ39 عام، و8 فالمية من هاد الحالات عمرها أكبر من 65 عام.

و92 من الحالات اللي كتعالج فحالة خطيرة، منها 30 فكازا سطات ، و23 فمراكش اسفي، و18 فطنجة تطوان الحسيمة، و12 ففاس مكناس، و7 فالرباط سلا القنيطرة، وجوج حالات فسوس ماسة.

بالنسبة للمعدل التراكمي اللي سجلو الفيروس فهاد 24 ساعة الأخيرة فواصل لـ3 لكل 100 ألف نسمة، وبالنسبة للمدن اللي عندها أعلى معدل تراكمي فهي: فاس وكازا ب11 شخص لكل 100 ألف نسمة، ثم طنجة ب9، ومراكش ب7 أشخاص.

وتتبع المخالطين مكن لحد الآن من رصد 126170 مخالط، مزال منهم 17446 تحت المراقبة، و755 تكتشفو اليوم، أي بنسبة 75 فالمية من مجموع الإصابات.

واليوم تستبعدات 21107 حالة إصابة، ووصل المجموع لـ1311772 بعد ما خرجات تحاليلهم سلبية.

وهذا توزيع الإصابات فالجهات حسب النسبة المئوية:

موضوعات أخرى

30/09/2020 21:00

الدورة 27 خربقات حسابات المتنافسين على لقب البطولة. الوداد كان أكبر مستفيد منها بعد رجعو فوز عريض للوصافة على بعد نقطة من الرجاء لي تعثر فوجدة