كود – amp.scmp//

واحدة المرا فالفلبين، من مدينة مانيلا، دازت أربع سنين وهي كتصلّي وكتدير الطقوس الدينية ديالها قدّام تمثال خضر ، على أساس راه بوذا، التمثال كان مدوّر وخضر، وهاد الشي خلاها تيقن بلي راه رمز ديني .

المرا دارت التمثال وسط الدار، وولات كل نهار تشعل البخور وتصلي وتطلب البركة والمقابل  التمثال كان كيعطيها إحساس بالهنا  ،القصة تقلبات ملي جاو عندها شي صحاب، وواحد فيهم لاحظ بلي لون التمثال وملامحو ماشي بحال تماثيل بوذا المعروفة ،من بعد ما قلبو فيه مزيان، تبيّن بلي التمتال ديكور ديال شخصية شْريك Shrek الغول الخضر ديال أفلام الرسوم المعروف فالمغرب بالشاب حمار .

وخا الصدمة،  ضحكات وقالت بلي المهم هو النية والإيمان  فالقلب ماشي الشكل، وقالت بلي الدعاء ديالها كان صادق
و قالت وخا عرفات الحقيقة، غادي تكمل تحتافظ بالتمثال وغادي تبقى كتدعّي قدّامو، حيث كتعتبر شريك شْخصية حنينية وكتحسب قدامو بالامان وما عندهاش مشكل .

هاد الحادثة فكرات بزاف الناس بقصص أخرى بحال ديال شي سكان فالهند اللي عبدو شجرة حيث كان كيسيل منها الماء، قبل ما يتبيّن بلي غير جعبة فيه فويت.