كود باريس ////
مشهد كيبين عقلية ناس وكالة التنمية الفلاحية “لادا” اللي فيها مدير هو المهدي الريفي واللي كيتحكمها محجوبة شكيل مديرة تنمية وتسويق المنتجات المجالية. هاد السيدة كتحكم فكلشي بما فيهم الريفي.
تصورو هي ومعاها اطر اخرى٬ كان الريفي فشي لقاء بالجناح المغربي بالمعرض الدولي للفلاحة اللي تختاتم البارح الاحد بباريس وحضر ليه المغرب ضيف شرف٬ وقالت وحدة من مساعداتو لمدير وكالة التنمية الفلاحية “السيد الوزير”. هو رد وقال اللا انا ماشي وزير٬ وهي تزيد “اللا غادي تكون وزير”.
هاد الشي داخل فحرب هاد الوكالة على وزارة الفلاحة. واخا تابعة ليها دايرة عصيان. حاسين براسهم فوق كلشي.
دابا الريفي وزير فحكومة سيدنا بلا خبارو. وشفتو اللي كيبقى فبلاصتو 8 سنين كيفاش كيولي يحس.
فالصورة مهدي الريفي واقف ورا بنعلي ديال كومادير
