كود كازا//
التطبيق الإلكتروني والمنصة الرقمية “محاكم” مزال فيها مشاكل تقنية لا تنتهي من انهار بدات لدبا، هادشي شاعل بزايد المحامين والمتقاضين بسبب عدم إمكانية الولوج إلى هاد المنصة، وحتى يلا دخل ليها شي يصعب إدراج رقم شي ملف باش تبعو بسبب المشاكل التقنية المتكررة.
مصادر “كود” اعتبرت باللي هاد المشاكل التقنية كتضرب فتوجهات الدولة الهادفة إلى التحول الرقمي وتبسيط المساطر الإدارية.
نشر مآل الشكايات والملفات وتتبعها عبر المنصة الرقمية وتطبيق “محاكم” رجع صعيب بزاف بسبب مشاكل تقنية مزال معرفها حتى شي حد، ما يفرض دبا على المواطنين والمحامون وغيرهم التنقل إلى مقر المحكمة لمعرفة مصير الشكايات والملفات القضائية، ما يخلق ضغطا وازدحاما داخل المحاكم.
إشكال آخر مطروح كانت “كود” هضرات عليه هو تأخر نشر منطوق الأحكام الصادرة في الملفات القضائية أو الإجراءات المتخذة بشأنها قبل النطق بها، حيث تنشر بعد ثلاثة أيام وأكثر على صدورها.
هاد القرارات خلفت في موجة غضب في صفوف المحامين، واعتبروا هذه الممارسات تتعارض مع توجه الدولة نحو رقمنة الخدمات الإدارية، وخاصة في إصلاح منظومة العدالة، وخاص متابعة دقيقة لكتاب الضبط اللي مكلفين بهاد المهام اللي معطلينها بزاف.
