كود مدريد ///

هاد العشية بمدريد كاين منتدى الاقتصادي المغربي-الصبليوني. غادي يحضرو القطاع الخاص والعام من الدولتين. غادي يدخل انطونيو كاراميندي رئيس الاتحاد الاسباني لمنظمة رجال الاعمال والاتحاد العام لارباب المقاولات بالمغرب. كاين حتى القطاع العام المغربي غادي يدخل.

الاجتماع اللي كاين فمقر الباطرونا الصبليوني بزنقة دييگو دي ليون وسط حي سالامانكا بمدريد كيدور وسط حضور امني كبير

“كود” عاينات حضور امني لافت بزاف قدام المقر وفالبلايص اللي حداه. الصور كيتين شوية من هاد الحضور لكبير.

المنتدى غادي يختاتم بخطاب لرئيس الحكومة المغربي عزيز اخنوش وغادي يكون خطاب ديال السلطات الاسبانية حتى هي

المنتدى كيدخل فاطار اجتماع الدورة الثالثة عشرة للاجتماع رفيع المستوى المغربي-الإسباني بمدريد اللي غادي تكةن غدا لخميس وتجمع اخنوش وبيدرو سانشيث رئيس الحكومة الصبليوني