الرئيسية > كود سبور > المنتخب غايمشي لوجدة فطيارة خاصة.. والكونصونتراسيون غادي تبدا غدا فالرباط
06/10/2019 21:00 كود سبور

المنتخب غايمشي لوجدة فطيارة خاصة.. والكونصونتراسيون غادي تبدا غدا فالرباط

المنتخب غايمشي لوجدة فطيارة خاصة.. والكونصونتراسيون غادي تبدا غدا فالرباط

كود سبور//

المنتخب الوطني غادي يمشي نهار الخميس جاي لوجدة فطيارة خاصة، باش يلعب كونتر منتخب ليبيا نهار الجمعة جاية بالملعب الشرفي، ضمن استعدادات للاستحقاقات القادمة.

المنتخب المغربي غادي يسافر فطيارة خاصة لوجدة من مطار الرباط سلا، لأن وحيد خاليلوزيتش اختار يدير الكونصونتراسيون فالرباط، لي غادي يبدا غدا الاثنين.

المنتخب الوطني غادي يمشي مرة أخرى فطيارة خاصة من مطار وجدة أنگاد إلى مطار بطوطة فطنجة.

الجامعة الملكية المغربية اختارت طيارة خاصة باش ما يعياوش اللعابة، نظرا لبعد المسافة بين الرباط ووجدة ومنها إلى طنجة، لي غادي تحتضن الماتش ديال الگابون نهار 15 فهاد الشهر.

وحيد خاليلوزيتش غادي يبرمج 4 ديال الحصص التدريبية قبل ما يمشي لوجدة يلعب كونتر ليبيا.

هاد الماتش لي يقدر يغيب عليه المدافع رومان سايس، لي تضرب مع فرقتو وولفرهامبتون اليوم الأحد ضد مانشستر سيتي الإنگليزي.

وتدخل مباراتي ليبيا والگابون فإطار الأستعدادات التصفيات الإفريقية المؤهلة إلى نهائيات كأس إفريقيا للأمم، بعدما وضعاتو القرعة فالمجموعة الخامسة بجانب موريتانيا وإفريقيا الوسطى وبوروندي.

موضوعات أخرى

23/10/2019 12:41

شطابة أمنية كبيرة فكازا. الحملة اللي كالت «كود » أنها لاقت استحسان ساكنة العاصمة الاقتصادية طيحات 8225 ف 11 يوم وقادت لضبط عدد كبير ديال الأسلحة البيضاء