الرئيسية > كود سبور > المنتخب ضيع الفوز فماتش ليبيا واربح الجمهور
11/10/2019 20:00 كود سبور

المنتخب ضيع الفوز فماتش ليبيا واربح الجمهور

المنتخب ضيع الفوز فماتش ليبيا واربح الجمهور

مصطفى الشاذلي – كود سبور//

المنتخب الوطني ضيع الفوز فماتش ليبيا اليوم الجمعة بالملعب الشرفي في وجدة، ضمن استعدادات أسود الأطلس للاستحقاقات القادمة.

المنتخب المغربي ما حافظش على الهدف لي ماركات جواد الياميق في الدقيقة 22، بعدما تعادل منتخب ليبيا بواسطة اللاعب سند مسعود.

واخا لعابة ديال المنتخب المغربي كانوا متحكمين في الكرة في وسط الميدان ولكن ما قدروش يماركيو اهداف أخرى، وأكثر من ذلك كان بإمكان منتخب ليبيا يماركي الهدف الثاني.

أداء المنتخب المغربي تحسن شوية بعد دخول اسماعيل الحداد ورشيد عليوي ووليد الكرتي ومهدي كارسيلا، هاد اللخر عطا تمريرات مزيانة ولكن ما تستغلاتش.

رشيد عليوي ضيع على صحابو الفوز بعدما ضيع هدف محقق بعد تمريرة محكمة من مهدي كارسيلا.

نقطة ضوء الوحيدة فهاد الماتش هو الجمهور لي حضر بكثرة وبقا كيشجع اللاعبين من الدقيقة الاولى حتى الأخيرة. وكان هو الفائز فهاد الماتش، جمهور صنع الحدث وإلا كان المنتخب ضيع الفوز فهو في المقابل اربح الجمهور.

موضوعات أخرى

20/10/2019 22:00

ولد “إل تشابو” أكبر بزناس فالعالم دار ليهم داكشي ديال “الجوكير”.. شدوه البوليس وصحابو ناضو حيحو فالزنقة والبوليس طلقوه – فيديو

20/10/2019 21:37

خاص..نايضا ف لقاء المكتب السياسي لـ”البام”: تفويض بنشماش لتدبير انتخابات رئاسة جهة الشمال وتزكية “الحساني” لخلافة العماري