كود سبور//

كيواصل المنتخب الوطني المغربي لكرة القدم ذوي الاحتياجات الخاصة (مبتوري الأطراف)، التألق فكأس إفريقيا للأمم لهاد الفئة، وتأهل للدومي فينال بعدما ربح منتخب مصر مستضيفة البطولة.

وقدر المنتخب الوطني المغربي يربح مصر فربع نهائي كأس إفريقيا اليوم الخميس بنتيجة 4 لجوج، مع العلم أن الوقت الأصلي من الماتش سالا بنتيجة التعادل 2 لجوج، والمغاربة ماركاو جوج بيوتا هما الأولين قبل ما يضربو المصريين الهدف الأول والثاني ديال التعادل، ومن بعدها قدر المنتخب المغربي يماركي 2 أهداف ديال الرباح فالأشواط الإضافية وتكاليفا للدومي فينال.

وكيتسنا المنتخب المغربي دابا يعرف الخصم ديالو فالدومي فينال، من المتأهل من الماتش ديال ربع النهائي بين نيجيريا وليبيريا.