كود سبور//

من المتوقع يطلع المنتخب الوطني المغربي، فالتصنيف المقبل ديال الاتحاد الدولي لكرة القدم “الفيفا”، ديال شهر أبريل 2025.

وحسب موقع football raking المتخصص فالتوقعات ديال تصنيف الاتحاد الدولي لكرة القدم، والاتحادات القارية بحال الكاف، فالمنتخب الوطني المغربي غايطلع بـ2 مراكز، من المركز 14 اللي كان فيه شهر فبراير الماضي إلى المركز 12 فشهر أبريل الجاي.

وحسب نفس المصدر، فالمنتخب المغربي، غايبقى متصدر افريقيا ومن وراه السنغال اللي غايتراجعو دوليا من 17 إلى 19، ومصر الثالثة افريقيا اللي غاتراجع من 33 إلى 34 دوليا، والحزائر غاتبقى فبلاصتها 4 افريقيا و 37 عالميا ما غاتطلع ما غاتهبط.

للإشارة فالمنتخب الوطني المغربي، فهاد التوقف الدولي ربح النيجر بزّز فإقصائيات كاس العالم، ومازال عندو ماتش ثاني ضد تنزانيا غدا الثلاثاء والى ربحو غايتأهل لمونديال 2026.