كود سبور//

غادي يخوض المنتخب الوطني المغربي أول حصة تدريبية فقطر اليوم الاثنين، استعدادا لكأس العالم 2022، واللي وصل للعاصمة ديالها الدوحة البارح الأحد.

وكيشرف الطاقم التقني ديال المنتخب الوطني المغربي بقيادة الناخب الوطني وليد الركراكي على أول حصة تدريبية ديال ليكيب ناسيونال، فهاذ العشية واللي غادي يشاركو فيها اللعابا اللي وصلو مع بعثة الأسود.

وغادي يدوزو اللاعبا ديال المنتخب المغربي حتى عند الطاقم الطبي باش يدير لهم الفحوصات الطبية اللازمة والروتينية اللي كتجرى فبحال أي معسكر ديال ليكيب ناسيونال، فانتظار الوصول ديال بقية اللعابا اللي عيط لهم الركراكي باش يشاركو فكأس العالم 2022، واللي عطلتهم التزاماتهم مع فرقهم فالويكاند اللي فات.