كود سبور//

حافظ المنتخب الوطني المغربي النسوية لكرة القدم على المركز 76 فالترتيب الجديد الخاص بالاتحاد الدولي لكرة القدم “الفيفا”، الصادرة اليوم 9 دجنبر.

أما إفريقيا فكيحتل المنتخب الوطني المغربي النسوية وصيف بطل إفريقيا 2022،  المركز 7 فالوقت اللي كتحتل فيه جنوب إفريقيا المتوجة باللقب المركز الثاني إفريقيا خلف منتخب نيجيريا والمركز 54 عالميا، وعربيا كيجي المغرب من بعد منتخب الأردن اللي كيحتل المركز الأول عربيا و 69 عالميا.

وبخصوص صدارة التصنيف العالمي فمازالت الميريكان فالمركز الأول الترتيب ديال “الفيفا”، ولكن قربت منها بزاف ألمانيا اللي ممكن تخطف منها الصدارة فالتصنيف المقبل حيث الفرق بينهم صبح 5 النقاط، وكتجي السويد فالمركز الثالث.