الرئيسية > كود سبور > المنتخب المغربي حقق رقم مهم فالمونديال
28/11/2022 22:00 كود سبور

المنتخب المغربي حقق رقم مهم فالمونديال

المنتخب المغربي حقق رقم مهم فالمونديال

كود سبور//

كيتعتبر المنتخب الوطني المغربي من المنتخبات القليلة فكأس العالم قطر 2022، اللي حافظت على المرمى ديالها من بعد مرور 2 جولات على بداية البطولة.

ونجح المنتخب الوطني المغربي فالدفاع على مرماه وحافظ عليها فالجولة الأولى ضد كرواتيا والثانية ضد بلجيكا، وبلغت عدد الكرات اللي هددت المرمى ديال الحارس ياسين بونو ومنير المحمدي حيث الأول كان فالماتش ضد الكرواتيين وثاني كان فالماتش ضد البلجيكيين، (بلغت) 15 كرة فيها 11 تسديدة مؤكرة على المرمى المغربي.

وتعادل المنتخب الوطني المغربي فالماتش الأول ضد كرواتيا بنتيجة زيرو لزيرو، وربح الماتش الثاني بنتيجة 2 أهداف لزيرو، واخا كان تغيير مفاجئ فحراسة المرمى المغربية قبل ماتش بلجيكا ما بانش الارتباك على المنتخب.

وبالنسبة للمنتخبات اللي كتشارك مع المنتخب المغربي فالحفاظ على مرماها وباقي ما تماركا عليها حتى هدف كاين المنتخب البرازيلي المصنف رقم واحد فالعالم، والمنتخب الولوني، أما المنتخبات الأخرى كلها تماركات عليها الأهداف.

للإشارة فالمنتخب الوطني المغربي عرف غياب ياسين بونو فالماتش الثاني ضد بلجيكا، حيث حس بالدوخة وما قدرش يلعب فاخر لحظة، وحبس بلاصتو منير المحمدي لكول الاحتياطي ومكانش فرق، حيث دار ماتش كبير.

موضوعات أخرى

03/02/2023 07:00

خفظي باي باي من الباطرونا بسباب التنوعير والقوالب لي مورط فيها مولاه النعمة ميارة

03/02/2023 02:00

الصحافة رجعات لقصة مدرسة الأيتام لي خلقات البوز.. 16 يوم والتلاميذ كيضحكو بلاما يحبسو