كود سبور//

خسر المنتخب المغربي بقيادة الستريمر إلياس المالكي، اليوم الخميس أول ماتش له  فمسابقة kings league اللي منظمها النجم الإسباني السابق فكورة القدم جيرارد بيكي.

المسابقة المنظمة فالطاليان، خسر فيها المنتخب المغربي الماتش الأول بنتيجة كبيرة مع منتخب كولومبيا، وسالا الماتش بنتيجة 4 لواحد لمصلحة الكولومبيين.

وكان إلياس المالكي جمع اللاعبين اللي غايشاركو فالمسابقة بعدما رسل له جيرارد بيكي انفيطاسيون، وجمع فريق مكون من لاعبين سابقين بحال مبارك بوصوفة، وزكرياء حدراف، وكاينين لاعبين سابقين ديال الفوتسال وبحال “لولا الظروف” وهذا كايحط فيديوات على حركات بالكورة فالفيسبوك، وراه قاد الياس المالكي الفريق من دارو بالزوم بعدما خرج قبل ايام قليلة من السجن حيث كان محكوم فقضية.