كود سبور//

بدا المنتخب الوطني المغربي المحلي بقيادة المدرب طارق السكتيوي، كايدير الروتوش الأخيرة قبل المشاركة فكاس افريقيا للمحليين، اللي غاتكون بكينيا وتنزانيا وأوگندا بداية شهر غشت الجاي.

وغايلعب المنتخب الوطني المغربي للاعبين المحليين  من مواليد عام 2000 والفوق، 2 ماتشات وديين أمام منتخب بوركينا فاسو، وهذا استعدادا للمشاركة فبطولة إفريقيا للاعبين المحليين.

وداخلين هاد الجوج ماتشات ضمن البرنامج التحضيري اللي سطرو الطاقم التقني من أجل الوقوف على جاهزية العناصر الوطنية قبل الحسم فاللائحة النهائية اللي غايعيط له المدرب طارق السكتيوي للمشاركة فالشان.

وغايلعب المنتخب المغربي المحلي الماتش الاول ضد بوركينا فاسو، يوم السبت 19 يوليوز 2025 اما الماتش الثاني غايتلعب يوم الخميس 24 يوليوز 2025 ، والماتشات باديين بجوج مع 6 العشية بالملعب البلدي بمدينة القنيطرة، وبجوجهم ملعوبين بلا جمهور.