كود – سبور//

الماتش بين فرنسا وإسبانيا فمونديال 2026 بدا قبل ما يصفر الحكم، هاد المرة السبب ما كانش رياضي، ولكن تصريحات خرجات من رئيس الوزراء الإسباني السابق ماريانو راخوي.

راخوي، اللي كان كيرأس الحكومة الإسبانية حتى لـ2018، كتب مقال فصحيفة El Debate بعد ما تأهلات اسبانيا لنصف نهائي كأس العالم وقال: “عندهم تشكيلة من أعلى نيفو ولكن ما فيها حتى فرنسي”.

هاد الجملة خلات موجة ديال الانتقادات، حيث بزاف اعتابروها عنصرية، وفهمو منها أن راخوي كيشكك فتفرنساويت ديال لاعبي المنتخب بسبب الأصول ديالهم.

راجوي، اللي عندو دابا 71 عام، ما بقاش كياخد حتى منصب سياسي من 2018، ملي طاحت الحكومة ديالو مورا تصويت بحجب الثقة.

التصريحات ديالو قلقات فرنسا، وسياسيين وإعلاميين لي وصفوها بأنها تصريحات ما كتمشاش مع قيم الرياضة، خصوصاً قبل الماتش ديال فرنسا وإسبانيا فنصف نهائي كأس العالم.