كود سبور//

بقات المنافسة على تنظيم فينال كأس العالم 2030، بين المغرب وإسبانيا، خرجت البرتغال من لاكورس، حيث ما عندهاش تيران تقدر تنافس به على استضافة النهائي.

وحسب ما نشرت جريدة موندو ديبورتيفو الإسبانية، فمنسق الترشيح المشترك لإسبانيا والبرتغال والمغرب لكأس العالم 2030، أنطونيو لارانخو، علن اليوم الثلاثاء أن البرتغال ما غتنظمش نهائي المسابقة.

ونقلت الجريدة تصريح عن لارانخو قال فيه: “البرتغال ما عندهاش تيران بسعة لا تقل عن 80.000 مقعد، وما غتكبرش التيرانات ديالها، وهذا الشي كيعني أن البرتغال ما غيكونش فيها كأس العالم”.

ومعول المغرب ينظم فينال مونديال 2030 فالتيران الكبير ديال الدار البيضاء اللي من المنتظر تكون فيه 115 ألف كرسي، وكيتنافس المغرب مع إسبانيا اللي حتى هي معولة تنظم الفينال فتيران سانتياغو بيرنابيو فمدريد.