وكالات//

كشف النجم العالمي ليوناردو دي كابريو، اللي ربح جائزة الأوسكار، على واحد الموقف محرج كيهم المغنية تايلور سويفت، فـ أول مشاركة ليه فبودكاست New Heights مع الإخوة ترافيس وجيسون كيلسي.

وأكد دي كابريو، اللي عندو دابا 50 عام، أن هادي أول تجربة ديالو فالبودكاست، حيت المرة اللي شارك فيها قبل كانت فـ 2020 مع براد بيت فبودكاست WTF ديال مارك مارون، ولكن ما كانش بوحدو.

فهاد الحلقة الجديدة، كان معاه الممثل بينيسيو ديل تورو، وهدرو على آخر الأعمال السينمائية ديالهم مع مقدمي البرنامج. ودارو ضجة كبيرة وسط المعجبين، خاصة ملي وْرّاو لقطات من الكواليس ديال فيلم Titanic، اللي فكرات الناس بزاف فذكريات الفيلم.

ولكن، الموضوع ديال تايلور سويفت بقى “تابو” فالحلقة، حتى وإن كانت كاينة واحد العلاقة غير مباشرة بين تايلور وليو، بحيث دي كابريو قال بلّي سميتو جا فـ أغنية The Man  من ألبومها Lover اللي خرج فـ 2019.

فهاد الأغنية، تايلور كتهضر على كيفاش كيتعاملو الناس بطريقة ماشي منصفة فالعلاقات بين الرجال والعيالات، وتخيلات كيفاش كانت غادي تكون حياتها إلا كانت بحال شخصية مشهورة بحال ليوناردو دي كابريو.