وكالات//

أنكر الممثل والكوميدي البريطاني راسل براند، اللي عندو 50 عام، نهار الثلاثاء 24 فبراير، جوج تهم زايدين موجّهين ليه بالاغتصاب والاعتداء الجنسي قدّام محكمة Southwark  Crown Court  فـ**لندن**.

التهم الجديدة تتابعات ليه فديسمبر 2025 من بعد تحقيق دارتو شرطة العاصمة، والادعاءات كترجع لجوج عيالات كيقولوا وقع ليهم هاد الشي معاه فـ2009. وداخل قاعة المحكمة، براند عرّف براسو ونفى جميع التهم اللي موجّهة ليه.

وقبل ما يدخل للمحكمة، قال للصحافة: “أنا ممتن”. وغادي تتدار جلسة استماع الشهر الجاي باش يقرّرو واش غادي يضيفو هاد الادعاءات الجديدة للملف ديال القضية اللي راه متابع بها دابا، وصرّح المحامي ديالو بأن موكّلو محتاج وقت أكثر باش يجاوب على هاد التهم الأخيرة.