الرئيسية > الزين والحداكة > الممثلة وسيلة صبحي حاملة.. فرحانة براسها حطات تصاورها فأنستگرام
06/10/2019 17:00 الزين والحداكة

الممثلة وسيلة صبحي حاملة.. فرحانة براسها حطات تصاورها فأنستگرام

الممثلة وسيلة صبحي حاملة.. فرحانة براسها حطات تصاورها فأنستگرام

اسماء غربي – كود//

الممثلة المغربية وسيلة صبحي نشرات تصاوها في الكونط “أنستگرام” ديالها، فأحدث جلسة التصوير، باش تشارك الفانز بكل الاخبار المتعلقة عن جديدها الفني والشخصي.

الممثلة وسيلة صبحي، المتحدرة من مدينة مكناس، ظهرات فالتصاور حاملة وفرحانة بمولودها، لي جاي فالطريق.

المعجبون دياولها تفاعلوا بشكل كبير مع هاد التصاور، وعبروا على إعجابهم بشكل الممثلة الجديد، وكثير منهم باركوا ليها، وكتبوا أن الحمل جا معاها وتمناوا فكاكها بسلام، خاصة أن شكلها فالتصاور يشير إلى أنها فشهرها السابع أو الثامن.

وربما بسبب الحمل غابت الممثلة وسيلة صبحي عن مسلسلات رمضان وبعض الأعمال الفنية.

وسيلة صبحي خريجة المعهد العالي للمسرح والتنشيط الثقافي شركات فبزاف ديال المسرحيات والمسلسلات التلفزيونية والأفلام السينمائية وتعطاتلها البطولة في العديد من الأعمال الفنية.

موضوعات أخرى