وكالات//

قدم المدير العام ديال “أوبن إيه آي” سام ألتمان، اعتذار رسمي للممثلة والنجمة الميريكانية المشهورة شارلوت جوهانسون، بعدما دارو الصوت ديالها في واحد البروغرام ديال الذكاء الاصطناعي بلا ميقولوها ليها.

وقال ألتمان في واحد البيان نقلاتو وكالة “فرانس بريس” الفرانساوية، أنه كيعتاذر على سوء التواصل والفهم لي وقع ليه مع جوهانسون، وأنهم مكنوش كيقصدو شي حاجة خايبة فين دارو الصوت ديالها فهاد البروغرام لي كيخدم في تشات جي بي تي.

وكانت الممثلة الميريكانية، علنات أنها خبرات المحامي ديالها باش يرفع دعوى قضائية ضد الشركة باش تعدل الصوت ديالها لي خدماتو بلا ماتشاور معاها.

وكانت جوهانسون أكدات في وقت سابق أنها بصح تلقات عرض من الشركة باش تخدم صوتها ولكن هي رفضات رفضا قاطعا، حينت تخلعات من أن الذكاء الاصطناعي قدر بصح يستنسخ الصوت ديالها.