عفراء علوي محمدي- كود//

توفات الممثلة القديرة فاطمة الركَراكَي، اليوم الاثنين فالصباح، فسن 80 عام، بعد معاناة مع المرض.

فالآونة الأخيرة الممثلة دازت من أزمة صحية صعبة، ومابقات كتشوف وجاها الزهايمر، الشي اللي خلاها تحبس التمثيل.

وكان سبق وزارة الصحة تكفلات بالحالة ديال الركَراكَي، اللي كانت خرجات ففيديوهات كثار وبكات، حيت كلشي تخلا عليها وماعندهاش باش تتعالج.

وكتعتبر الركَراكَي من أول الممثلات المغربيات اللي دخلو لهذ المجال، من خمسينات القرنا الماضي فاش شاركات فمسرحيات كثيرة.